មុន Confirm Friends នៅលើ Facebook គួរធ្វើអីមុន?
Facebook ដែលកំពុងល្បីល្បាញនាពេលបច្ចុប្បន្ន បានបង្កលក្ខណះងាយស្រួល ក្នុងការប្រាស្រ័យទាក់ទងគ្នាជាមួយមនុស្សនៅជុំវិញពិភពលោក ប៉ុន្តែប្រិយមិត្តបានពិនិត្យលើអ្វីខ្លះ មុនហ្នឹងទទួលយកអ្នកដទៃធ្វើជាមិត្ត (Confirm Friend) ក្នុងបណ្តាញសង្គមយក្សមួយនេះ។ តោះ! ទៅស្ដាប់ទស្សនៈរបស់យុវវ័យ ថាតើពួកគេធ្វើយ៉ាងណាខ្លះមុន Confirm Friend?
“ឃើញភ្លាមទទួលភ្លែត” ព្រោះគណនីមានដាក់រូបស្រីស្អាត។ Confirm រួចហើយបានចូលមើល Profile តាមក្រោយ។ នេះជាការលើកឡើងរបស់យុវជន កក្កដា និស្សិតឆ្នាំទីពីរនៃសាកលវិទ្យាល័យភូមិន្ទភ្នំពេញ។
លោកបន្តទៀតថា មិនមែនដាក់រូបស្រីស្អាត សុទ្ធតែទទួលទាំងអស់នោះទេ ប៉ុន្តែធម្មតាបើមានគេ Add Friend មកទោះជាស្រីឬប្រុសក៏ដោយ មានន័យថា គេចាប់អារម្មណ៍ចូលចិត្តចង់ធ្វើមិត្តជាមួយ។ ម៉្យាងទៀតគេអាចរាប់អានយើង ឬចង់បានមិត្តភក្តិច្រើននៅលើបណ្ដាញសង្គមជាដើម។
ដោយឡែកយុវតី ធារត្ន័ និស្សិតច្បាប់នៃសាកលវិទ្យាល័យភូមិន្ទនីតិសាស្រ្ត និងវិទ្យាសាស្ត្រសេដ្ឋកិច្ច បានលើកជាទស្សនៈផ្ទុយពីយុវជនខាងលើថា បើមានគេ Add Friend មក អ្វីដែលកញ្ញាចង់ដឹងពីមិត្តភក្តិថ្មីនោះគឺ ចូលមើល Profile ដើម្បីដឹងពី “Mutual Friend ” គេ។ ព្រោះថាបើមានម្នាក់ណាក្នុងចំណោមនោះដែលកញ្ញាធ្លាប់ស្គាល់ នោះនឹង Confirm តែបើគ្មានទេអាចទុកចោលសិន ខ្លាចគេ Fake account មក Add ហើយធ្វើបាបយើង។ ម៉្យាងទៀត បើគេជាមនុស្សងប់ងល់នឹងអ្វីមួយខ្លាំងពេក ដូចជា តារាបរទេស តារាស្រីស៊ីចស៊ី ជាដើមក៏ពិបាកទទួលយកដែរ។
ងាកមកលោក ជំនិត វិញបានប្រាប់ឱ្យដឹងថា ដំបូងលោកមើលលើប្រភេទ Profile សិន ថាតើគេដាក់រូបពិត ឬក្លែងក្លាយ (រូបសត្វ ឬអ្វីផ្សេង) ម៉្យាងទៀត មើលលើរូបថតនិងអ្វីផ្សេងទៀត ដែលអាចសន្និដ្ឋានថាគេជាមនុស្សយ៉ាងម៉េច គួររាប់អានឬអត់? ជាពិសេសព័ត៌មានសង្ខេបក្នុង About ដើម្បីឱ្យបានដឹងច្បាស់មុនហ្នឹងទទួលគេជាមិត្ត៕
ខាងលើនេះ គ្រាន់តែជាទស្សនៈយុវវ័យមួយចំនួនប៉ុណ្ណោះ ចុះយុវវ័យផ្សេងទៀត មានយោបល់យ៉ាងម៉េចដែរ?
ចង់ជ្រាបច្បាស់សូមប្រិយមិត្តទស្សនាវីដេអូ(Video)ខាងក្រោម៖
Category: Business, Education, Technology
