បុរសដុះពោះកំប៉ោងប៉ះពាល់ដល់សមត្ថភាពមេជីវិត
អ្នកវិទ្យាសាស្ត្របាននិយាយថា កាត់បន្ថយការទទួលទានសាច់ក្រហម កាហ្វេ និងគ្រឿងស្រវឹងអាចជួយបង្កើនសមត្ថភាពផ្តល់កំណើតរបស់បុរស ។
ការសិក្សាមួយបានរកឃើញថា របបអាហារមិនល្អ និងភាពធាត់ដុះពោះលើសទម្ងន់អាចធ្វើឱ្យថយចុះភាពខាប់របស់ទឹកកាម ហើយប៉ះពាល់ដល់សមត្ថភាពរបស់វាក្នុងការហែលទៅរកពង។ ពីអតីតកាល បញ្ហាអសមត្ថភាពក្នុងការផ្តល់កំណើតរបស់ស្ត្រីជាប់ទាក់ទងទៅនឹងការធាត់លើសទម្ងន់ ក៏ដូចជាការជក់បារី ឬក៏ផឹកស្រា ប៉ុន្តែកាលពីពេលនោះគេមិនទាន់ច្បាស់ថាបុរសដូចគ្នានឹងស្ត្រីនោះទេ ។ យ៉ាងណាក៏ដោយ តាមលទ្ធផលនៃការសិក្សាថ្មីបំផុតលើបុរសប្រេស៊ីលចំនួន២៥០នាក់បានបង្ហាញថា អ្នកដែលផឹកស្រាជាប្រចាំ និងទទួលទានរបបអាហារមិនត្រឹមត្រូវ សមត្ថភាពផ្តល់កំណើតរបស់គេថយចុះ ។
អ្នកដឹកនាំការស្រាវជ្រាវ Edson Borgesមកពីមជ្ឈមណ្ឌល Fertility-Assisted Fertilization Center នៅទីក្រុង Sao Paolo ប្រទេសប្រេស៊ីលបាននិយាយថា ភាពខាប់របស់ទឹកកាមរងឥទ្ធិពលអវិជ្ជមានដោយទំហំរាងកាយ និងការប្រើប្រាស់គ្រឿងស្រវឹង ប៉ុន្តែរងឥទ្ធិពលវិជ្ជមានដោយការទទួលទានអាហារដែលសម្បូរដោយគ្រាប់ធញ្ញជាតិនិងផ្លែឈើ ។
លោកស្រី Lynn Westphal ជំនាញការខាងសុខភាពនិងសមត្ថភាពផ្តល់កំណើតរបស់ស្ត្រីនៅសាកលវិទ្យាល័យ Stanford University សង្ឃឹមថា លទ្ធផលដែលបានរកឃើញនិងបោះពុម្ភផ្សាយនៅលើព្រឹត្តិបត្រ Fertility and Sterility លើកនេះ នឹងជួយលើកទឹកចិត្តឱ្យបុរសទាំងឡាយចាប់យកជម្រើសបែបបទនៃការរស់នៅមួយដែលផ្តល់នូវសុខភាពដល់ខ្លួនគេផ្ទាល់ ៕'
ចង់ជ្រាបច្បាស់សូមប្រិយមិត្តទស្សនាវីដេអូ(Video)ខាងក្រោម៖
Category: Health
