សាហាវទៀតហើយ!សម្លាប់និស្សិតស្រីយកសពទៅបោះចោល
រាជធានីភ្នំពេញ ៖ នៅព្រឹកថ្ងៃទី២៣ ខែមិថុនា ឆ្នាំ២០១៦ ក្រុមប្រឹក្សាជំនុំជំរះសាលាដំបូងរាជធានីភ្នំពេញ បានបន្តសវនាការលើសំណុំរឿងឃាតកម្មសម្លាប់និស្សិតស្រីហើយយកសាកសពទៅទម្លាក់ចោលក្នុងទឹកទន្លេក្បែរសាលាបឋមសិក្សាជ្រោយចង្វាត្រើយខាងកើត ។ សវនាការនេះបន្តក្រោយពេលតុលាការបានចាត់របៀបឲ្យមានការស៊ើបអង្កេតបន្ថែមអស់រយៈពេល៦ខែមកហើយចាប់តាំងពីថ្ងៃទី០១ ខែធ្នូ ឆ្នាំ២០១៥ ។
ចង់ជ្រាបច្បាស់សូមប្រិយមិត្តទស្សនាវីដេអូ(Video)ខាងក្រោម៖
សូមរំលឹកថា កាលពីព្រឹកថ្ងៃទី០១ ខែធ្នូ ឆ្នាំ២០១៥ ក្រុមប្រឹក្សាជំនុំជំរះសាលាដំបូងរាជធានីភ្នំពេញ បានបន្តសវនាការរឿងក្ដីមន្ត្រីប៉ូលីសស្រវឹងគ្រឿងញៀនសម្លាប់សង្សារជានិសិត្សសាលាគណនេយ្យ រួចយកសពទៅបោះចោលក្នុងទន្លេមុខវាំងត្រើយខាងកើត ។ ក្នុងការបន្តសវនាការថ្ងៃនេះ តុលាការផ្ដោតសំខាន់តែទៅលើការសាកសួរលើសាក្សី និងជនជាប់ចោទផ្ទាល់តែម្ដង ។ សាក្សីសំខាន់ក្នុងការដោះបន្ទុកឲ្យជនជាប់ចោទក្នុងសវនាការនេះគឺ ឪពុក ម្ដាយ បងប្អូនបង្កើតរបស់ជនជាប់ចោទ ដែលពួកគេបានឆ្លើយបំភ្លឺបដិសេធមិនដែលស្គាល់ជនរងគ្រោះដែលបានស្លាប់ដោយទារុណកម្មយ៉ាងឃោរឃៅ ។ ក្រុមគ្រួសាររបស់ជនរងគ្រោះបានទាមទារសំណងចំនួន១០ម៉ឺនដុល្លារពីជនជាប់ចោទ ។ ព្រះរាជអាជ្ញាបានស្នើឲ្យមានការចាត់របៀបស៊ើបអង្កេតបន្ថែមលើការឆ្លើយឆ្លងគ្នាក្នុងទូរស័ព្ទរវាងជនជាប់ចោទ និង សាក្សីមួយចំនួន ។ ការធ្វើកោសល្យវិច័យលើទឹកកាមដែលដកហូតពីសាកសពជនរងគ្រោះ និង ចម្លើយសាក្សីមួយចំនួនទៀតជាដើម ។ នៅវេលាម៉ោង១៦ និង១៩នាទី តុលាការបានប្រកាសចាត់របៀបដើម្បីស៊ើបអង្កេតបន្ថែមដូចជា ៖
១-ឲ្យសាកសួរបន្ថែមលើសាក្សី
២-ឲ្យធ្វើកោសល្យវិច័យលើទឹករំអិល
៣-ឲ្យស្រង់យករបាយការណ៍ការសន្ទនាតាមទូរស័ព្ទ
៤-សាកសួរបន្ថែមលើគ្រូពេទ្យដែលមកចាក់ថ្នាំឲ្យជនរងគ្រោះ
៥-ឲ្យថតយកសំឡេងសន្ទនាតាមទូរស័ព្ទ ។
សូមបញ្ជាក់ថា ក្នុងសវនាការនាពេលកន្លងមក ជនដៃដល់បានបដិសេធចំពោះការចោទប្រកាន់អំពីការសម្លាប់សង្សាររបស់ខ្លួខឈ្មោះ សុង ដាវីន ។ ក្នុងសវនាការឈ្មោះ ហុង កាលីឌីន ដែលជាជនជាប់ចោទបានឆ្លើយថា នៅយប់ថ្ងៃទី០៣ ខែតុលា ឆ្នាំ២០១៥ ខ្លួននិងសង្សារ សុង ដាវីន បានដេកនៅក្នុងផ្ទះរបស់គេជាមួយគ្នា រហូតដល់ថ្ងៃទី០៥ ខែតុលា ទើបខ្លួនគេដឹកសង្សារទៅផ្សារផែនសល ហើយចាប់តាំងពីពេលនោះមកពួកគេមិនបានជួបគ្នាទេ ។
ចង់ជ្រាបច្បាស់សូមប្រិយមិត្តទស្សនាវីដេអូ(Video)ខាងក្រោម៖
រាជធានីភ្នំពេញ ៖ នៅព្រឹកថ្ងៃទី២៣ ខែមិថុនា ឆ្នាំ២០១៦ ក្រុមប្រឹក្សាជំនុំជំរះសាលាដំបូងរាជធានីភ្នំពេញ បានបន្តសវនាការលើសំណុំរឿងឃាតកម្មសម្លាប់និស្សិតស្រីហើយយកសាកសពទៅទម្លាក់ចោលក្នុងទឹកទន្លេក្បែរសាលាបឋមសិក្សាជ្រោយចង្វាត្រើយខាងកើត ។ សវនាការនេះបន្តក្រោយពេលតុលាការបានចាត់របៀបឲ្យមានការស៊ើបអង្កេតបន្ថែមអស់រយៈពេល៦ខែមកហើយចាប់តាំងពីថ្ងៃទី០១ ខែធ្នូ ឆ្នាំ២០១៥ ។
គួររំលឹកថា កាលពីព្រឹកថ្ងៃទី១៤ ខែតុលា ឆ្នាំ២០១៤ នៅហាងកាហ្វេ ដាលីន ស្ថិតក្នុងសង្កាត់បឹងព្រលឹត ខណ្ឌ៧មករា សមត្ថកិច្ចបានឆែកឆេរចាប់ខ្លួនបុរសម្នាក់ពាក់ព័ន្ឋនឹងការសម្លាប់នារីម្នាក់ជានិស្សិតឆ្នាំទី១ នៃវិទ្យាស្ថានវ៉ាន់ដាគណនេយ្យ ហើយយកសពទៅបោះចោលក្នុងទឹកទន្លេ ។ សេចក្តីរាយការណ៍បានបញ្ជាក់ឲ្យដឹងទៀតថា នៅព្រឹកថ្ងៃទី១៤ ខែតុលា ជនសង្ស័យឈ្មោះ ហុង កាលីឌីន អាយុ២៧ឆ្នាំ បានត្រូវប៉ូលិសព្រហ្មទណ្ឌក្រសួងមហាផ្ទៃសហការជាមួយលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ និងមានការចូលរួមពីអាជ្ញាធរមូលដ្ឋាន បាននាំជនសង្ស័យមកឆែកឆេរនៅផ្ទះរបស់ខ្លួនលេខ១០៤ ផ្លូវលេខ៤៣០ សង្កាត់ផ្សារដើមថ្កូវ ខណ្ឌចំការមន ដើម្បីរកវត្ថុតាងពាក់ព័ន្ធនឹងការជួញដូរគ្រឿងញៀន និង ករណីរំលោភធ្វើទារុណកម្មសម្លាប់ស្ត្រីជានិស្សិតខាងលើ ។ ស្ត្រីវ័យក្មេងម្នាក់ត្រូវបានឃាតករមិនស្គាល់មុខរំលោភរួចធ្វើទារុណកម្មជាំពេញខ្លួនប្រាណរហូតដល់ស្លាប់ ហើយដឹកសពយកទៅទម្លាក់ចោលនៅក្នុងទឹកទន្លេ មុខសាលាបឋមសិក្សាជ្រោយចង្វា ខាងត្បូងស្ពានជ្រោយចង្វា ប្រហែលកន្លះគីទ្បូម៉ែត្រ ស្ថិតក្នុងភូមិទី២ សង្កាត់ជ្រោយចង្វា ខណ្ឌជ្រោយចង្វា ។ ហេតុការណ៍នេះបានធ្វើឱ្យមានការភ្ញាក់ផ្អើលទ្បើងកាលពីម៉ោងប្រមាណ៦ព្រឹក ថ្ងៃទី០៧ ខែតុលា ឆ្នាំ២០១៥ នៅពេលដែលប្រជាពលរដ្ឋធ្វើដំណើរទៅហាត់ប្រាណប្រទះឃើញសពអណ្តែតទឹក ។ ដំបូងឡើយសពស្ត្រីរូបនេះ ពុំត្រូវបានគេស្គាល់អត្តសញ្ញាណនៅទ្បើយទេ មានអាយុប្រហែលជិត២០ឆ្នាំ ស្លៀករ៉ូបរាត្រីពណ៌ទឹកប៊ិច អណ្តែតផ្កាប់មុខចម្ងាយប្រមាណ៣ម៉ែត្រពីច្រាំងទន្លេ ៕
ចង់ជ្រាបច្បាស់សូមប្រិយមិត្តទស្សនាវីដេអូ(Video)ខាងក្រោម៖
