Ronaldo នឹងលេងទាំងឈឺរបួសតិចៗ ដើម្បីជួយ Real Madrid
Zinedine Zidane គ្រូបង្វឹក Real Madrid បានបញ្ជាក់ថា Ronaldo អាចមានឈ្មោះលេង ១០០% ក្នុងពានរង្វាន់ UEFA Champions League បើទោះបីជារូបគេនៅមានការឈឺចាប់ត្រង់របួសសាច់ដុំភ្លៅតិចៗក៏ដោយ។
ការប្រកួតធំបំផុតនៅអឺរ៉ុប UEFA Champions League រវាងក្រុម Real Madrid និង Atletico Madrid នឹងឈានចូលមកដល់នៅវេលាម៉ោង១:៤៥នាទីរំលងអាធ្រាត្រយប់នេះហើយ។ ក្រុមមកពីទីក្រុង Madrid របស់ប្រទេសអេស្ប៉ាញទាំងពីរ បានត្រៀមខ្លួនរួចជាស្រេច សម្រាប់សង្គ្រាមលើវាលស្មៅដ៏តានតឹងមួយនេះ។
|
|
ក្រុម AT Madrid ហាក់ដូចជាមិនមានបញ្ហាត្រង់កីឡាករណាម្នាក់នោះទេ ប៉ុន្តែបើងាកទៅមើល Real Madrid វិញ កីឡាករសំខាន់ម្នាក់កំពុងតែមិនច្បាស់ចំពោះការបង្ហាញខ្លួននោះទេ។ Cristiano Ronaldo ដែលមានបញ្ហាភ្លៅអំឡុងពេលហ្វឹកហាត់ កាលពីថ្ងៃអង្គារកន្លងនោះ គឺនៅតែមានការឈឺចាប់តិចៗនៅឡើយនោះទេ ប៉ុន្តែរូបគេអាចចូលហ្វឹកហាត់ជាមួយសមាជិកដទៃបានធម្មតា។
Zidane គ្រូបង្វឹក Real Madrid បាននិយាយថា Ronaldo ពិតជាមានការឈឺចាប់នៅត្រង់ភ្លៅរបស់គេមែន ប៉ុន្តែបច្ចុប្បន្ននេះរូបគេអាចលេងបាន ១០០% ហើយ។ នេះជាប្រកួតសំខាន់បំផុត ដូច្នេះកីឡាករទាំងអស់ត្រូវយកចិត្តទុកដាក់ ហើយបញ្ហារបួសបន្តិចបន្តួចគួរតែបំភ្លេចចោលទៅ៕
Category: Sport
